Wenn einer bolle veerzig Joare Schaulmester wäen is, so het dei ook foaken wat beliewet, was as 'n gu' en Witz in 'ne Zeitung kohmen könn. De Klassenlehrer van de Lütken (fuffte Klasse) ha'n Wanderdag an'nesettet. Nu würn dei Kinner all ganz uppgerägt, as sei morgens keimen. Wat dat Unglücke woll, ha'net Rägn giebn, un sei würn sick nu nich doaroawer in Kloarn, ob dat Ganze ook tau'n Klappn kamm. Ick hör'de in mien Zimmer, wie dat Diskutiern losgüng. Taulesst loatede sick Willem ne'n Haarte un kamm an de Dür van't Lehrerzimmer. Hei kloppede an, doar was keiner de anterde. Willem reet dei Dür oapn, keek in'n ganzn Zimmer rümme und güng trügge tau dei annern up'n Flure. Hei säer: "Kein Düvel doar!" Nu moakede ick miene Dür oapn un froagede: "Wek'n Düvel sochste denn?" Selten hebbe ick so'n verbiestert' Gesichtes seihen wiebi düssn Jungen. Oawer hei merke de boll an mien Lachen, dat dat alls nich so ernst ment was.